Koh Tomyums

營業中

休息中

今日天氣勁好，專登入嚟愉景灣玩沙玩水，去埋教堂影相，心情極為愉快。玩左一整日，肚仔餓到快要暈底，就唔出中環食飯了，選擇留喺呢度食飯飯。本以為愉景灣食飯都幾貴，唔打唔撞發掘到呢間餐廳，唔算貴，又好味。▧原個菠蘿焗飯呢個就有點失望。本以為是原個菠蘿蓋，上面裝滿炒飯，再拿去焗。可惜最後用碟上。菠蘿好甜，旁邊有肉鬆腰果作為配菜，腰果好脆好香。可惜炒飯味道偏淡，有進步嘅空間。▧醃辣肉鬆生菜包(豬)每次食泰國菜必點生菜包，今次亦不例外。生菜新鮮，洗得亦算乾淨。可能清洗用心，上菜時間亦稍為耐一點。醃肉充滿肉汁，碟底盡是肉汁精華。▧ 椒絲炒通菜甜甜辣辣，亦喺另一款好味之選。▧ 整體來說，食物大碟又好味，環境裝修是泰國風格，內裏還有一尊大佛。餐廳外亦有露天座位，可以望住愉景灣海景，浪漫至極。