日暮家 麵匠 (已結業)

坦白講幾失望，雖然做定心理準備，知道明星餐廳嘅食物唔能夠抱太大期望，但拉麵真係出乎意料地差。賣相唔錯，湯正常，但麵底實在對唔住依個價，個麵勾起童年喺吉之島food court食日式拉麵嘅回憶，鹼水味勁重，麵質奇差，罕有地無食哂碗拉麵，真係食唔落口。肉本身好淡，無乜味，真係有待改善。原本諗住加小食，但見價格都唔平，諗住試咗拉麵睇定啲先，果然決定無錯，由於質素欠佳，都無再加小食。P.S. 店內坐位較逼挾，出入容易撞到隔離／畀隔離撞到利申：真係為AK嚟食，雖然失望，但都想反映真實意見畀佢見到，希望有改善。