明洞Express (已結業)

偶爾收工經過尖沙咀穩野食，朋友推薦之下去左呢間韓式快餐。店面唔大，但餐牌選擇好多。想點個韓式紫菜包飯但似乎停售左一段時間。然後憑感覺叫左個牛肋骨湯湯飯，因為係半自助式既快餐，取餐時候已經聞到一陣清湯既味道，但聞落去感覺會比較偏向羊既味，清清淡淡再有蔥花既味道。首先試左個泡菜，味道中挺，如果可以再辣就更好，可能就返好多香港人唔食得太辣既口味。然後係冷盤薯仔片，口感得意又帶點麻油既味道。肋骨湯方面，肉既分量好足，肉質鮮嫩，湯清得黎好香，有蛋花調味，同一般牛肉整出離既湯有出入，帶比人少少羊肉既錯覺，但唔會有羊肉湯咁騷，個人覺得清得黎有肉食，非常滿意。湯本身有粉絲，再加上餐配既白飯，一個人食絕對飽肚。五十幾蚊既價錢，值得！