點籽烘焙

營業中

休息中

話說我真係好鐘意榨菜呢個組合😆（即係有榨菜肉絲就唔想要雪菜肉絲的朋友）。用榨菜嚟做餡，又真係少喺坊間見到。某日同小朋友去附近個公園玩，路經呢間裝修得唔錯得麵包店，又不經意間見到居然有榨菜肉鬆包！！二話不說即刻買咗，店員再補多句：‘’呢個包好多人買㗎。‘’一試，果然無令我失望，首先餡料係非常之多，包保你啖啖都有榨菜🤣。榨菜唔會過咸，加埋肉鬆就更加惹味。最意外嘅係，個包底係非常鬆軟！質感綿綿，令到成個包都加分。如果要講有咩唔好的話，就係包面比較偏油，切完包手會有油（但食落就唔覺）。仲有買其他包，不過都比小朋友KO了，無得食評🤣，下次再試。