影片
更多
2009-08-18
10 瀏覽
本人非常like食辣, 由於係香港搵唔到間好食既遺有專登上深圳食, 最近係OPEN RICE 見到呢間近期都幾hit 既食店, 所以專登搭車過黎試下, 未夠七點就到達, 只係得兩, 三枱客(唔夠半個鐘, 竟然全場爆滿), 睇下本餐牌都發現幾多款式, 唔剩係得辣野食, 不過黎得”麻辣媽媽”當然要食辣辣辣…………. 經店員極力推介我地點咗 : 避風塘炒蟹 ($238) – 個店員話佢地個避風塘炒蟹既味道同橋底辣蟹有得揮, 講到咁誇張, 心諗就試下你, 如果唔係就拆你招牌, 到隻蟹上枱啦, 個樣就似到十足十,一試便知龍與鳳。味道果然不錯, 蒜炒得夠香又夠干, 淨係食d蒜就咸咗小小, 但係隻蟹既味道就剛剛好, 個店員話如果d蒜唔咸咁隻蟹就唔夠入味, 聽落又好似幾有道理, 而隻蟹都幾大隻, 如果去橋底辣蟹食分分鐘要6、7百蚊, 咁係呢度食又真係幾抵食, 無介紹錯麻辣田雞煲 ($65) – 我地點咗正常辣, 因為店員話用煲仔上, 而會用火不斷熱住所以會越來越辣, 份量都唔小, 成個煲仔滿晒, 田雞下面仲有d青瓜, 薯仔同蘿蔔, 不過d配菜上枱時未食得仲生生地要煲下佢, 淋d, 索晒d汁就一流, 不
經店員極力推介我地點咗 : 避風塘炒蟹 ($238) – 個店員話佢地個避風塘炒蟹既味道同橋底辣蟹有得揮, 講到咁誇張, 心諗就試下你, 如果唔係就拆你招牌,
到隻蟹上枱啦, 個樣就似到十足十,一試便知龍與鳳。味道果然不錯, 蒜炒得夠香又夠干, 淨係食d蒜就咸咗小小, 但係隻蟹既味道就剛剛好, 個店員話如果d蒜唔咸咁隻蟹就唔夠入味, 聽落又好似幾有道理, 而隻蟹都幾大隻, 如果去橋底辣蟹食分分鐘要6、7百蚊, 咁係呢度食又真係幾抵食, 無介紹錯
麻辣田雞煲 ($65) – 我地點咗正常辣, 因為店員話用煲仔上, 而會用火不斷熱住所以會越來越辣, 份量都唔小, 成個煲仔滿晒, 田雞下面仲有d青瓜, 薯仔同蘿蔔, 不過d配菜上枱時未食得仲生生地要煲下佢, 淋d, 索晒d汁就一流, 不過麻味就小咗d, 但由於本人唔鐘意麻, 所以對於我就ok
辣子雞 ($98) – 睇個樣好似好辣, 好多辣椒, 但係食落感覺就香多過辣, 好香孑然味, 唔係度度食得倒,
蘿蔔糕 ($18) – 眼見隔離枱食完一碟又一碟, 唔執輸既心態, 我都order 一碟食下, 原來真係無錯既, 呢碟蘿蔔糕, 睇起上黎同其他既無咩分別, 但係一夾開就見倒一絲絲既蘿蔔絲, 食落口無多如既粉, 好有驚喜
抱住黎柴枱既心態黎試, 點知有幾多驚喜~~總括食物質數唔錯, 價錢唔貴仲要唔駛茶錢同加一, 真係幾扺食, 又多一個落腳點, 下次叫多d朋友黎食, 可以試多幾款
張貼
