牛元帥粉麵

營業中

休息中

今日咁岩係九龍城工作，就順便同同事食埋個Lunch先走，咁岩見到呢間「牛元帥粉麵」，覺得個名幾特別就入去試下。雖然間店應該以粉麵做賣點，但因為太肚餓，最終都叫左個牛坑腩飯，外加一碗淨牛丸水餃。 點餐之後等左5分鐘左右個飯就到，嘩，好足料呀，又夠大碟，唔會用啲菜頭菜尾墊底，成碟飯睇落好大碟。而坑腩重牛味之外亦唔會太瘦，加上炆得夠淋，食落唔痴牙，又夠香甜，都令我覺得幾驚喜。價錢方面每人平均大約$38，而且仲有例湯送，呢個價錢係九龍城黎講算係咁，下次放工後會再去試下其他野。