238 Restaurant (已結業)

同朋友去上環食晚餐，行左好幾間餐廳都唔啱心水，最後路過呢間 238 餐廳，見裝修唔錯，又唔洗等位，就入左去試下。個唔知係 waitress 定係老闆娘的外藉女士，介紹我地食蘆筍，佢話係時令喎！同埋係空運到港，只係四五月先有。所以我同朋友都試左。個蘆筍湯係估唔到咁好飲，而且又大碗。正！我叫左龍蝦伴蘆筍做主菜，又係勁好食。蘆筍好新鮮，味道濃淡適中。龍蝦係我至愛，真係無得彈，同五星酒店的有得fight。甜品就叫左 home made banana cake。一食入口就與別不同，除左好好食，我都唔知可以講乜。可惜我無影相，未能分享。食左呢餐真係好滿足，不過埋單都唔平，每人六百蚊。