嘆住食 (已結業)

叫做嗰Dinner Set ($178+20＋20)，總共有四個course，有餐湯、沙律、主食同埋甜品。首先係嗰周打蜆湯。幾濃幾creamy下，而且都好足料，啲蜆好多。跟住係嗰沙律。呢個係芒果煙鴨胸沙律，要加$20。沙律份量好大，其實兩個人share都可以。煙鴨胸好嫩，唔會有好嚡口嘅情況，亦都唔會過鹹。主食方面，加$20要咗香煎帆立貝伴紫蘇蕃茄醬扁意粉。帆立貝有三大粒，都算新鮮。意粉嘅芝士同蕃茄醬好match，酸味同鹹味交融，其實頗開胃下。不過係正話嗰沙律太大份，所以食道最後會好飽下。😆最後要咗嗰焦糖燉蛋嚟受結。蛋味同奶味都好香，唯獨係塊焦糖有少少太甜，但整體嚟講都算唔錯嘅。