大同韓燒 (已結業)

今日學完車，同男朋友周圍搵下有咩好野食。兜下兜下去到大角咀果邊，見到有條街都幾多野食，中間位有間韓燒，望落環境幾闊落，隔離又有個車位，即刻泊低架車。就入去試下啦。落車行去門口，姐姐好熱氣咁叫我地入去。門口見到個餐牌，都幾抵食wor，而家好少放題做呢個價。環境闊落，完全無油煙味，又坐得舒服。哥哥好nice，教好爐前招呼我地拎野飲先野食都好多種類，有海鮮，蔬菜，肉類，羊架，各式牛類，熟食，連刺身壽司都有！d 肉類全部都好夠味，羊架幾好食。最意外係，呢度d泡菜種類好齊全！好有誠意。男朋友話d 泡菜味道好正宗，同韓國食既差不多！另外，第一次食韓燒放題有五花腩肉，仲有新鮮乾淨既生菜比客人包，而且連埋醬料，呢樣好滿意呢個辣味魷魚可以end call，好惹味，好淋。韓燒竟然有無最愛既菠蘿比我燒呢樣我自己都食左一碟，好甜！真係好歡樂。最後買單，哥哥好熱情叫我地拎卡片，我平時食放題都少打食評。呢間韓燒真係值得推介。野食種類多，服務態度好，價錢又抵。簡直系平靚正之選