影片
更多
2018-02-22
674 瀏覽
新年將至，老闆約請午飯，兩個單對單開飯，係開荔枝角呢頭番工自不然係附近搵食。由是都係臨時拉夫被召喚約食晏，所以事前都無諗食邊間booking，兩丁友食當然唔會去飲茶，叫款都唔會叫得多花樣，同埋呢排晏晝酒樓應該都仲係好爆下。最後都係決定行下公司附近見到有位食果間。因為公司近D2，所以行都係果邊搵食，多西餐餐廳選擇，因而路過此店。見間鋪門面光新鮮開揚裝修美美的，同埋都OK多客(好多西人)，決定就選佢喇。店面裝修好西式風格加高檔CAFE調子，以木製傢俱營造同點綴出悠閒西方情懷，個感覺好係一坐落就係食高檔西餐既格調，裝潢方面是感覺舒適的，食物水準就不得而知喇，因為乃第一次幫襯。老闆請食，一人揀一個SET，佢因為有做開GYM同ON DIET 所以食方面都會自我控制一下，點既類別都唔會選太HEAVY或油膩，我就心諗佢會想大家SHARE黎食，所以都唯有唔點肉或扒類，迎合番對方口味(實際我都係愛肉人事同偏向重口味)。果不其然老闆點左個意大利乳酪芝士薏米飯，我於是點左個意大利薯仔菠菜麵(確實唔太記得個意大利麵名，純比個餐牌名好奇吸引而點左)。上前菜之先，有包有餐湯，上既前菜擺款好精緻有心意，味道唔錯，呢
因為公司近D2，所以行都係果邊搵食，多西餐餐廳選擇，因而路過此店。見間鋪門面光新鮮開揚裝修美美的，同埋都OK多客(好多西人)，決定就選佢喇。
店面裝修好西式風格加高檔CAFE調子，以木製傢俱營造同點綴出悠閒西方情懷，個感覺好係一坐落就係食高檔西餐既格調，裝潢方面是感覺舒適的，食物水準就不得而知喇，因為乃第一次幫襯。
老闆請食，一人揀一個SET，佢因為有做開GYM同ON DIET 所以食方面都會自我控制一下，點既類別都唔會選太HEAVY或油膩，我就心諗佢會想大家SHARE黎食，所以都唯有唔點肉或扒類，迎合番對方口味(實際我都係愛肉人事同偏向重口味)。
果不其然老闆點左個意大利乳酪芝士薏米飯，我於是點左個意大利薯仔菠菜麵(確實唔太記得個意大利麵名，純比個餐牌名好奇吸引而點左)。
上前菜之先，有包有餐湯，上既前菜擺款好精緻有心意，味道唔錯，呢個前菜既燒八爪魚好有嚼勁，不整體不俗的說。
呢個好似係沙律(又係前菜)，不過係老闆點既
到主菜上，確實食有點失望，一來份量唔多，二來樣子真係乏善可陳。味道方面......我真係唔太識欣賞，味道淡而汁亦有點少濟膩。個意大利薯仔菠菜麵(應該大致係咁既餐名)，個麵口感好得意，雖然味道VERY一般，不過從未食過口感咁有趣既意大利麵，入口食到好有纖維同滑嘟嘟。
20 瀏覽
0 讚好
0 留言
之後仲有甜品，我點左芝士蛋糕，老闆點既係比利時朱古力MOUSSE CAKE，因為差唔多超時食晏，無再影老闆碟野，只影左自己碟CHEESE CAKE，又係SHARE黎食，比利時朱古力MOUSSE CAKE堅好味，朱古力好幼滑好香濃唔濟，個CHEESE CAKE都唔差，有點清新既檸檬甜。
整體來說店鋪裝修到食物擺碟佈置細緻度十足，是走大氣路線既西餐風格，總的感覺是很好。不過可能係我同老闆點既餐唔太適合我個人口味而覺得味淡同唔夠味，我會比多次機會自己，下次黎食，都係點番自己一向風格---->扒/肉，都係做番食肉獸先可以試出味道既真諦。
跟SET有餐飲送的，只係點左普通凍檸茶所以相就唔影了喇，二人價埋單盛為375(已加一)。
題外話/補充資料：
埋單時，應該係位女店長，問我地滿意午餐與否，表示該星期係某某意大利五星級大廚(指住店內一張相)，由該意大利大廚特地係意大利飛來香港停留一星期所煮理。服務水平是滿OK的說，不過重點在我倆點錯左餐，所以主菜真係無法評價，但此之以外，其他均好(前菜、甜品、裝潢同服務都滿好的)，唯有下次光臨，再試過別的真正適合自己既菜式。
(以上食評乃用戶個人意見 , 並不代表OpenRice之觀點。)
張貼
