CHIMPZ (已結業)

搵隱世美食就當然要穿過橫街小巷, 銅鑼灣渣甸坊比較隱閉嘅街道其實都有好幾間食肆,其中一間小小cafe "CHIMPZ"最值得試試就係佢地嘅意大利飯  【香煎北海道帶子配黑松露燴意大利飯】HK$148意大利飯極之creamy, 忌廉味重得黎又冇覆蓋黑松露香, 帶子表面輕輕煎至金黃, 中心沒有全熟, keep返刺身滑滑口感, 同埋帶子本身嘅鮮甜, 超正! 驚喜推介!【宮保大蝦意大利粉】HK$98意粉個汁辣辣地, 夠惹味, 蝦肉好爽, 但鮮味就唔太出。【炸雞翼 (蜜糖芥末汁)】HK$68雖然炸皮唔厚, 但嫌雞翼炸皮太多粉, 個炸皮咬開去口感怪怪地, 個汁甜甜地, 不過唔太食得到芥末搶口味。