ARIA

營業中

休息中

今日朋友帶咗我去中環一間好靚嘅半自助餐🌟$628pp齋食出面嘅嘢已經好飽，仲有好多嘢可以揀食物又高質素✨唔夠飽仲可以揀加main，我哋兩個人加咗$128試利佛諾式橄欖番茄汁煮縫魚🙈🦞冷盤凍海鮮龍蝦同蟹腳夠新鮮，龍蝦啲肉夠彈牙有膏。生蠔海水味比較重，另外我鍾意食佢沙律醬鮮蝦，個味調校得幾好。🥗沙律勁多唔同嘅沙律可以選擇，有紅菜頭、意式通粉沙律、小米沙律等等。🧀頭盤最鍾意係佢有三種芝士可以揀，包括有黑松露芝士、blue cheese同埋另外一種普通芝士。我自己最鍾意係黑松露芝士，另外仲有成個蜂巢可以直接攞蜂蜜非常甜。另外佢嘅parma ham、salami同埋薯餅都好好食。🐟Main利佛諾式橄欖番茄汁煮縫魚超級重魚味，蕃茄汁唔會太濃，肉質嫩滑。🍰甜品Tiramisu超級好食🥹仲有佢嘅黑朱古力蛋糕好重朱古力味上面仲有勁多可可粉，因為本人勁鍾意食朱古力，所以覺得超好食。另外仲有一個好特別嘅叫祖母蛋糕，其實係類似檸檬批比較清新。另外佢仲有雪糕同埋朱古力噴泉。