但馬屋 (創紀之城五期(apm))

營業中

休息中

我見好多人推薦美肌鍋就點左，但覺得無乜特別，唔太濃，少少咸味，可能係因為食材新鮮，唔想蓋過咗啲味。醬汁有大阪燒汁好好味，唔點豉油啦！以為最平既牛質素會好差，勁多雪花肥膏果款，點知唔係，冇乜肥膏，啱晒我呢啲唔鍾意食肥既人，仲砌的好薄，滾20秒食得，豬肉仲好食。我見佢有一座大機砌片，感覺好專業。甜品有Haagen Dazs 雪糕🍦，以為又一定係d唔想食既味啦，普通既朱古力，呍呢嗱，士多啤梨，點知原來有我鐘意食既味呀，焦糖脆餅同曲奇雲呢拿，仲有藍莓同芒果紅莓，我食左4球，我覺得佢好有心思，迎合大眾口味。$179有意想不到的食物質素真係抵食，上鍋速度快，員工服務好，一定唔會唔理你，有一個員工仲過黎幫我「筆」雪糕添。