影片
更多
2013-10-31
226 瀏覽
話說今日約左朋友喺佐敦食飯但要等佢放學(夜校嗰d)，約我十點喺八王子等自己俾人"罰留堂"。印象中嘅拉面店係好似拿拿聲食完走嗰d，不過見佢唔係好多人就"面monk monk"咁坐住等個friend。無遭白眼不特止店員仲攞埋雜誌俾我睇，認真唔話得(不過都係d有介紹佢地舖頭嘅雜誌，認真hard sell)。因為唔知個friend幾點先到咁問定有咩推介啦，阿店員哥哥可能怕我悶同我傾多幾句幾乎介紹晒成個menu十幾廿款嘅拉麵各自嘅特色，老實講，吸引到幾乎想叫個全餐全部都想試吓。最可惜係試唔到店員哥哥講嘅招牌牛骨湯，據稱(都係阿店員哥哥所講)係全港唯一用日本牛骨湯整拉麵，每日只有100碗。雖然失望但10:30 last call 呢個鐘數賣晒又可以理解嘅，唯有下次早d。等左幾個字有d唔好意思先叫個章魚燒食住等。面頭好多熱勒勒時會自己郁下郁下嗰d一塊塊(唔記得叫咩)，正！好彩個friend喺last call前趕到，唔係嘅話唔知係咪要買外賣坐街邊食。佢個豚組拉麵無平常一片片叉燒但用叉燒粒代替，試左一粒，比起我嗰碗嘅一片片叉燒比較有咬口，個豬骨湯都幾香坐對面位都聞到。我叫左個元祖味噌拉麵，又要讚下阿店
因為唔知個friend幾點先到咁問定有咩推介啦，阿店員哥哥可能怕我悶同我傾多幾句幾乎介紹晒成個menu十幾廿款嘅拉麵各自嘅特色，老實講，吸引到幾乎想叫個全餐全部都想試吓。最可惜係試唔到店員哥哥講嘅招牌牛骨湯，據稱(都係阿店員哥哥所講)係全港唯一用日本牛骨湯整拉麵，每日只有100碗。雖然失望但10:30 last call 呢個鐘數賣晒又可以理解嘅，唯有下次早d。
等左幾個字有d唔好意思先叫個章魚燒食住等。面頭好多熱勒勒時會自己郁下郁下嗰d一塊塊(唔記得叫咩)，正！
好彩個friend喺last call前趕到，唔係嘅話唔知係咪要買外賣坐街邊食。佢個豚組拉麵無平常一片片叉燒但用叉燒粒代替，試左一粒，比起我嗰碗嘅一片片叉燒比較有咬口，個豬骨湯都幾香坐對面位都聞到。
我叫左個元祖味噌拉麵，又要讚下阿店員哥哥，事關小弟唔係好食得辣，但店員哥哥極力推薦又形容埋係香辣唔係麻辣，盛情難卻即管試吓。真心正！辣得嚟好香，另一店員(今次唔係店員哥哥)上檯時仲提醒我每食幾啖記得攪下個湯，因為味噌會慢慢沉澱到尾會好咸。有興趣試嘅朋友都記得呀！
呢張相可能唔算靚，希望唔影響食慾，因為已經將味噌攪左落個湯度。平時食開嘅拉麵係好似上海麵嘅直身麵，第一次食呢種「曲麵」(出前一丁除外)，因為食落係幾大分別真係要食過先知，唔識形容但粗身得嚟幾好食。原來曲麵可以將湯「掛」係麵上，咁啱隔離檯有個大叔向佢老婆拋書包偷聽到，諗落都make sense，果然係「高手在民間」。成餐飯食得幾開心，可能本身無咩要求，整體都感覺良好。尤其服務好「到位」，幾細心。我見對面檯有個大肚嘅太太一坐低店員就問佢要唔要杯熱水。幾十蚊食碗拉麵有人咁細心照顧，依家好多幾百蚊一餐嘅西餐都做唔到，值得一讚！
題外話/補充資料：
埋單時有張「級印」卡仔送，食滿12個拉麵送一碗招牌拉麵，不過有期限要印滿，好似要幾個月內印滿。張卡俾「留堂仔」搶左....唔太肯定。
(以上食評乃用戶個人意見 , 並不代表OpenRice之觀點。)
張貼
