海景粵菜廳

營業中

休息中

放假去長洲華威酒店渡假，酒店包二人早餐券，可惜有一日訓晏左miss左早餐時段，酒店就提議以早餐券飲茶可當$60，於是就到中菜部飲中餐食點心。本諗住求其醫飽肚就算，但我意想不到是每樣點心都好有水準，絕不馬虎。粥夠味，食完唔口渴，牛柏業同金錢肚煮得入味，唔靭。蝦餃燒賣可比美香港區大酒樓，特別一提就係腸粉，皮薄嫩滑，雞札料足，本來miss左一日對住無敵大海景嘆早餐係好失落，食完個中茶，真係明白咩叫做賽翁失馬，焉知非福。