蓮香樓 (已易手) 新餐廳

幾年前去過呢度飲茶，感覺好唔得，D野食又唔新鮮，不過前排有班朋友仔黎搵我食飯，佢地提議去呢度，我一向都跟大圍，所以照黎，估唔到今次有咁大分別！呢度其中一個最特別既地方就係各人有自己既茶，大家可以唔使就其他人，叫自己鍾意既茶就可以了！ 不過最大問題係我唔識用呢個茶壺黎倒茶俾自己... 好在側邊個位肯幫我！呢度要自己出去拎點心，朋友拎左一大堆返黎：魚肚扎 - 我只係食左半塊腐皮，因為本身對魚肚興趣不大珍珠雞 - 好巨型丫，不過見到佢就飽哂，所以我都係無食過...豬肚 - 好好味丫！仲要有好多... 食極都食唔完咁... 好多酒樓D豬肚好薄得黎又無乜味，不過呢度好厚肉架！仲要好入味~燒賣 - 無乜肥肉，好味麻蓉包 - 入面有大粒芝麻，都幾好~千層糕 - 朋友話好味，我覺得一般啦粟米斑塊飯炒底 - 嘩！估唔到咁好味！我咁怕腥既人都覺得個斑塊好香好好味！總括黎講今次簡直係好似去左另一間酒樓咁！好味！