火車頭酸辣小窩

營業中

休息中

是日無無聊同家姐入長洲行下，家姐9秒9走去食cafe，本人無咩興趣，就搵返一間自己想食嘅餐廳😗行行下見到呢間幾「骨子」就入去食個lunch🤙🏻Menu選擇都豐富嘅，比我想像中多～由於對酸辣嘢無咩興趣，索性叫碗超濃蕃茄湯既米線😃湯底有茄肉，少少稠又掛到湯，天然嘅酸甜味真係當湯飲都得！🍅估唔到佢個嫩滑肥牛咁有口感，仲附有溏心蛋質感滑溜，咬落好juicy✌🏻大大啖一入口充滿肥牛肉汁，隻蛋乒乓波咁好大粒！意猶未盡嘅我加咗碟脆爆雲吞，賣相不錯, 雖則炸皮略厚，但口感非常脆口，同埋雲吞無偷工減料🈵意！另點一杯凍荔枝果茶，香醇露甘，芬芳醉人！好開心行行下都搵到間好嘢，家姐今次真係走寶😏