臺北棧 (荷李活道) (已結業)

來到4日連假的最後一天，當然要好好享受! 山長水遠來到中環尋食!叫左3個熱門菜式，整體來講很滿意。中環價錢都係偏高，但物超所值，值得來食!爆蔥牛肉面刀削面好Q好彈牙，係我食過最好味的刀削面，老公都大讚!牛肉好有牛味又好"林"，而且有4大塊甘多，份量好足夠。個湯係用50斤牛骨所煮成，好甜又有牛味，飲完完全唔口乾!中間放左脆脆地的蟲草花，都幾夾!魯肉飯魯肉入口即溶，啖啖肉香，好食!不過曾經係台南食過更好食既，所以仲有進步空間雙色鹽酥雞雞好滑冇雪藏味，粉不會好厚，即叫即炸配柚子汁及松露汁都好食。不過我地鍾意柚子汁多D，清新開胃。但鹽酥雞等左好耐，食完面同飯先來，一齊配來食會更好。食LUNCH餐廳都係需要比10%服務費，但唔覺有好服務。入到來又冇拎水比我地，要我地要求先有。Waitress黑口黑面，講說話冇尾音。