意粉 360 (已結業)

今日同朋友慶祝生日，就同佢去食意粉360，一向很喜歡意粉360嘅意粉，朋友又想食Pizza，呢間啱晒我地。我哋2人點了三個菜，小食拼盤、三文魚pizza及明太子海鮮意粉。飲品方面，我揀咗熱Latte, 朋友就選凍朱古力咖啡。三文魚pizza，我喜歡薄批，好似食緊薯片咁。小食拼盤方面，雖然好多炸物，但不太油膩，我最喜歡佢嘅炸芝士條。明太子海鮮意粉，可能本身個汁係較creamy，佢嘅意粉不像平常般彈牙，但我覺得不錯。其實我當初認識呢一間餐廳，全因為佢嘅咖啡，咖啡迷絕對值得一試。