影片
更多
2023-06-29
37 瀏覽
宜安街街市行過少少有一個小巴站，望上去會見到一條斜路，行上兩步就到餐廳啦。店舖入面確實唔大，開放式廚房吧枱形式上菜，極其量只係坐到六個人，建議如果想支持小店嘅朋友可以選擇外賣自取🤟🏻。餐廳入面仲有一隻眼大大嘅貓貓，行來行去但唔會騷擾到客人好得意😆。🍔#自家製豬頸肉漢堡 ($60)▪️豬頸肉唔係一片片散修修咁，而係一大塊厚切夾係burger入面，油香十足✨▪️醬汁方面係帶有啲啲辣味嘅千島醬▪️入面仲有菜同蕃茄▪️麵包有加牛油烘過，又香又脆（有客人外賣叫左牛漢堡，真係勁香）🧄#蒜香蜆肉扁意粉 ($41)▪️黑椒味道較重，有少少蓋過蒜香本身嘅香味▪️蜆肉冇沙同埋都算俾得足▪️另外仲有少少菇同炸蒜，令到口感冇咁單一🦐#黑松露汁蝦仁扁意粉 ($52)▪️白汁再加黑松露，食落十分creamy😍▪️蝦有三隻，雖然細細隻但爽彈▪️入面仲有甜甜地嘅洋蔥▪️意粉嘅軟硬程度拿捏得剛剛好（❣️嗌意粉或漢堡包可以另外加$14轉套餐，包一款小食同飲品，咁嘅價錢喺觀塘區嚟講都幾抵食）🍗#沙嗲雞髀肉串▪️外面炸到好脆，入面肉質非常嫩滑▪️會有少少油但好香▪️本身以為係點沙嗲醬食，點知原來沙嗲一早已經醃咗係雞肉入面▪️每咬一啖都感受到被沙嗲同花生包圍
宜安街街市行過少少有一個小巴站，望上去會見到一條斜路，行上兩步就到餐廳啦。
店舖入面確實唔大，開放式廚房吧枱形式上菜，極其量只係坐到六個人，建議如果想支持小店嘅朋友可以選擇外賣自取🤟🏻。餐廳入面仲有一隻眼大大嘅貓貓，行來行去但唔會騷擾到客人好得意😆。
🍔#自家製豬頸肉漢堡 ($60)
▪️豬頸肉唔係一片片散修修咁，而係一大塊厚切夾係burger入面，油香十足✨
▪️醬汁方面係帶有啲啲辣味嘅千島醬
▪️入面仲有菜同蕃茄
▪️麵包有加牛油烘過，又香又脆
（有客人外賣叫左牛漢堡，真係勁香）
🧄#蒜香蜆肉扁意粉 ($41)
▪️黑椒味道較重，有少少蓋過蒜香本身嘅香味
▪️蜆肉冇沙同埋都算俾得足
▪️另外仲有少少菇同炸蒜，令到口感冇咁單一
🦐#黑松露汁蝦仁扁意粉 ($52)
▪️白汁再加黑松露，食落十分creamy😍
▪️蝦有三隻，雖然細細隻但爽彈
▪️入面仲有甜甜地嘅洋蔥
▪️意粉嘅軟硬程度拿捏得剛剛好
（❣️嗌意粉或漢堡包可以另外加$14轉套餐，包一款小食同飲品，咁嘅價錢喺觀塘區嚟講都幾抵食）
🍗#沙嗲雞髀肉串
▪️外面炸到好脆，入面肉質非常嫩滑
▪️會有少少油但好香
▪️本身以為係點沙嗲醬食，點知原來沙嗲一早已經醃咗係雞肉入面
▪️每咬一啖都感受到被沙嗲同花生包圍，好入味，食過返尋味，極度推薦🤩🤩🤩
🐮#肥牛金菇串
▪️一串有三舊
▪️金菇頭頭位置煎到變咗金黃色
▪️肥牛有啲邊位都係脆卜卜的
▪️調味方面黑胡椒味道比較出眾
🥤#自家製檸檬薏米水
▪️真係有自家製嘅感覺，唔會好甜
▪️清清地帶有檸檬香
▪️一樽仔入面有勁多薏米
行出門口時見到餐廳原來都有做到會服務，價錢唔貴，加上整體味道唔錯，遲啲叫老細team lunch嗌呢間支持下👍🏻。
張貼
