Olive Cafe (新領域廣場) (已結業)

疫情之下都甚少外出食飯啦！😅近近地屋企附近食下街嘢先🤭🤭愉景新城都食過曬啦！行多兩步見到前面呢間cafe別樹一角，感覺唔錯！見到都幾多嘢食，最緊要係防疫做得唔錯😍入門口之前探熱搓手，裏面有半自助食品都蓋好曬！而且仲要求帶口罩先出去攞添😌點一份牛扒或意粉都可以unlimit添飯沙律淮山湯都幾好呀😉沙律唔錯非常新鮮，外出食飯少咗蔬菜依家補返數食咗三碗😬😬石燒牛扒都ok，自己操刀想要幾多成熟自己還是我就鍾意食medium☺️未算最頂級但係一啲都唔失禮，牛味好濃沃，唔會太韌，食得出完全冇醃過！代表對白牛扒有信心😂🤣意粉一般西餐質素啦！餐湯都值得一讚非常多料，而且唔會太鹹，酸酸地好開胃呢度係會用珍珠米㗎！不過我就一般啦，鍾意食泰國米多啲😅😅