曜謨串燒居酒屋

營業中

休息中

附近行完街想快快食完返屋企，隨意入咗間居酒屋，估唔到又幾有誠意，心思思想再去食。豚肉露筍卷豚肉好薄但肉味好濃，蘆筍新鮮多汁，組合簡單但好好味。蛋白豬肉卷睇個名都唔係好想像到係點，原來內餡係好厚嘅煎蛋白，煎得啱啱好仲係好水潤，蛋味突出，值得一試。雞翼串無論係用料定係燒嘅功力都好好，食得出係好新鮮嘅日本雞翼，媲美日本高級燒鳥店嘅水準。 汁燒日本豆腐串軟滑香口，木魚絲係神來之筆。安格斯牛小排串軟腍爆汁，滿足到想食靚牛嘅心。日本津蠔偏細size，海水味濃，勝在非常新鮮。燒飯團燒到極脆，完完全全係煲仔飯飯焦嘅感覺。 三文魚飯團比較清淡，食個魚香味，大推明太子飯團好有咸香，如果加埋沙律醬就完美喇。