川居雲南風味米線專門店 (已結業)

食川居食咗有八、九年，由舊址洗衣街食到現址，對佢十分有感情亦十分愛戴。嗰時食米綫都唔係咁普及，覺得煙煙un un好得意，咁就鐘意咗，都係因為川居。以前四眼仔老細成日看舖，而家少見咗，可能因為有分店關係，好事嚟嘅！好鐘意燜湯湯底，別處難尋，好濃味，我諗應該落咗多款香料泡製，加埋配料新鮮，米綫份量多，食得好滿足。其他湯底都試過，如清湯、沙嗲、酸辣，而酸辣都幾好，夠哂酸，諗起嚟啲口水都喺牙骹滲出嚟，加埋啲炸醬、菇類已經夠豐富。有食客話可能因為通漲，啲料少咗，係，你如果keep住每星期有去街市，唔好多，一星期一、兩次，啲食物係不斷加價，開間舖唔淨止計食材價格，如舖租、人工、水電等都有加冇減，所以都明白配料份量可能會少咗！ok啦！可以接受啦！最正最抵食時段當然係下午茶啦！卄蚊鬆啲已經有交易，份量雖比正常時段細，但都可以食飽，又食到燜湯經已心滿意足。仲有抵讚嘅係裝修後間舖唔同哂！醒晨哂！