焼肉スマイル (燒肉smile)

感覺十分惡劣，用餐規則不明，一個鐘點唔到3次食物，咁洗乜放題？100分鐘,仲要臨埋單前半個鐘唔俾落單,點完一次食物會將點餐系統封鎖15分鐘，每次只可以叫6塊肉，扣除埋臨埋單半個鐘頭前不准叫嘢食，計埋落嚟一餐最多俾你食28塊肉，嗌定食都仲抵過佢，仲要等你坐低先講有咁嘅規矩，咁嚴苛嘅規矩應該喺門口就要講等都費事等，啲員工仲好意思叫人哋嗌貴啲嘅放題套餐，種類多有咩用？反正都食唔到😡其實唔想做放題或者套餐人哋嗌囉，點解要做放題？設立諸多規矩，連食飽都做唔到做乜鬼嘢放題？