幸福班戟 (新城市廣場) (已結業)

今日放假同屋企人行下新城市廣場，難得見冇人排隊就諗都唔諗入去食pancake！我哋叫咗朱古力香蕉pancake同埋奶茶pancake，嚟到嘅時候見到個樣唔似以前咁蓬鬆，食落去不夠空氣感同埋鬆軟，其中有一件有小小燶，真係有少少失望！反而奶茶醬味道幾特別唔算好甜，加埋啲nuts幾香口，至於朱古力香蕉醬大路野我諗好少會失敗嘅。遲啲會試吓其他過江龍pancake店，希望有新發現同驚喜啦！