千葉鳥

營業中

休息中

千葉鳥 (天水圍)天水圍天瑞路71-77號天澤商場1樓113E號舖今日返咗家鄉🥳🥳🥳深海池魚長崎縣產$88夏日祭推介，日本JP直送。真心入口即溶，厚切，魚質鮮嫩，零魚筋，我感覺好似係你面前生切咁新鮮，高度推介。秋葵串燒兩串$19柴魚超多襯得超靚，配上秋葵的清新，魚香味會喺喉嚨滲出來，令到串燒提升左一個格局。串燒粟米三串$19牛油係滑到到跣咗落個碟，燒得個粟米好香，容易甩身入口，有咯咯聲嘅感覺。劍先烏賊🦑$118夏日祭推介，日本JP直送。欣賞師傅嘅刀工，切到好似烏冬一樣，每一條嘅厚度同埋長度都係一致。透白嘅視覺質感加上冰凍嘅口感，再加上𠽌一聲入口嘅速度，簡直係爽。點埋佢嘅薑蓉醬料，一絕。黑梅貝四隻$78成隻手指咁長嘅貝，厚身，彈牙爽滑，個肝絕冇腥味只有海水鮮味，配合埋海帶一齊食，個清新感提升到另一個層次。千祈唔好忘記個蘿蔔，配菜都好食到癲，油漬味，好林入口即溶。串燒極尚雪花牛脷囊 $78非一般牛舌嘅感受，佢係牛脷嘅最深入嘅部份，咬落去嘅時候係有林爽而帶有少少煙韌，食到索索聲，肉質鮮嫩，點埋佢特製嘅芥末子醬料，師傅功力到家，燒得剛剛好，保持肉汁噴出嚟，果然係極上。