兩草 (已結業)

同老婆去睇棟篤笑前，在公司附近找間餐廳食個快餐啦，一入門口就比佢既裝修吸引左， 牆身貼左好多6-70年代既報紙廣告，燈飾就用左紅色燈罩的肉檔燈，枱就用左舊時個隻圓形摺枱，店內仲播住許冠傑既歌，成個氣氛好似返左70年代咁。唔單止環境，連價錢也十分懷舊，20-30元一個飯或小食，講真宜家連食個早餐都唔得，雖然份量不多，但現在既惜食文化盛行，食物這樣份量我覺得十分合適。食物質素方面，看得出師傅的心機和誠意，普通的菜色但一點也不馬夫，我一邊吃一邊想起兒時個既片段，我會推介煎魚餅和肉骨茶給你們試試，味道真的有屋企的感覺。