招點薈 (已結業)

我朋友話呢一間西餐廳唔錯，今日我就嚟試吓食好西。我哋先叫咗個餐，嗰餐湯嚟到之後朋友飲咗一啖，就話好好味，係淡淡的豆味，好清新。跟餐有個三文魚沙律，做得好認真酸酸甜甜嘅沙律醬，配新鮮蔬菜同三文魚柳，令人覺得好開胃！然後我哋叫咗個法式寶雲酥焗比目魚柳，塊魚柳整得唔錯，外皮好脆卜卜，能夠鎖住魚肉嘅肉汁，感覺好juicy 另外，我哋叫左個菠菜牛肝菌意大利飯，成個飯嘅配料好足，好多牛肝菌，醬汁嘅味道濃淡適中，又係越食越開胃。