一心素食 (已結業)

早幾日行過觀塘，朋友就叫住我叫我上去呢間素食店食晚飯，我心諗有咩咁特別呢？唔係呀麻，餐牌上竟然有日本食物選擇，我地兩個揀咗三點前菜，蒲燒鰻魚串，紅菜頭牛油果沙律，鮮淮山雜菜意式燴飯，意式鮮茄燴飯同兩杯飲品。三點前菜放中間既菜，師傅將菜整成一舊咁，再淋上麻醬可以帶出菠菜嘅鮮味，建議分兩三啖食，可以回味口中既鮮菜味道。蒲燒鰻魚串一睇就知師傅好用心去燒，鰻魚金黃色不會感覺到有燒焦既部份，燒得啱啱好。紅菜頭牛油果沙律賣相好吸引，食落口酸酸甜甜，係醒胃佳選。兩個燴飯好有意大利餐廳feel，一舊舊圓形淮山好像帶子般，非常有新意，雖然我係第一次嚟，但我已急不及待同店內職員講叫佢幫我預留聽晚5位，要即刻同家人分享呢間素食店既食物🤣