Coffee Talks (已結業)

是日同好朋友high tea,平時成日經過太子都見唔到呢一間cafe,上網睇見呢一間嘅牛油果沙冰好似好好飲所以黎試下。太子地鐵站B出口行過嚟5-6分鐘,今日係星期三嘅下午,Cafe人流唔算多,一行入去感覺好企理。 本來想叫意大利飯,但係原來lunch係去到兩點半,咁就索性叫嗰黑松露班尼迪蛋,配牛油果沙冰,朋友就叫咗個下午茶餐,apple crumble,配冰搖咖啡。首先講講我期待既牛油果沙冰,啲冰打得好碎,好滑,唔會有一舊舊既冰粒,但係略嫌唔夠牛油果味,如果牛油果味可以重啲就更好啦黑松露班尼迪蛋,好香嘅黑松露味,而且有好多菠菜同埋蘑菇片,配以半碟沙律菜,感覺好健康,哈哈,冇咁有罪惡感朋友嘅apple crumble,我自己就麻麻地,所以冇試啦,擺盤都幾靚嘅,朋友就覺得有好多燕麥,整體比較甜。呢度嘅service都幾好, 隔離枱客人一走,waitress好快就會執檯,而且有時候見到啲cafe侍應質素真係好差,可能自己喺度撳電話又或者不斷傾偈,連客人舉手示意都會見唔到,呢度就冇上述情況出現,值得一讚。