影片
更多
2020-06-25
452 瀏覽
睇youtuber介紹西九龍中心美食，所以揸車去買呢間位於food court嘅水門海南雞飯返屋企當晚餐。未夠5點鐘竟然人山人海，顧客不斷。我等咗起碼5分鐘先可以落單，原因係之前啲單好多又未出哂⋯⋯心諗一定好好食先咁誇張啦。不過呢度座位唔太舒適，椅子係斜嘅。。。堂食唔理想！我買咗3個海南雞髀飯外賣，等咗足足30分鐘，仲要俾幾個後面嘅人爬頭，唔明點解要俾堂食快啲。之後聽到員工傾談知道漏咗我3碗脾飯。Well, 又抵又好食嘅話I don’t care。出嚟食好西要等係好正常嘅。返到屋企同家人一齊開飯，我呆咗⋯⋯佢哋海南雞飯$35/碗，要脾加$5。我3碗脾飯全部得一節仔下脾，搭兩塊等如節下脾仔大嘅雞胸？我即時嬲咗，我唔明我隻上脾去咗邊？我鍾意食雞胸嘅話，我為乜加錢要脾？點解我3碗脾飯會有雞胸？上脾要點樣先食到？係唔係留哂俾熟客仔？好，我講返味道同質素：脾肉正常一般滑，雞胸肉唔算嚡口，雞唔會太肥但冇乜肉味，醬汁反而幾好味。海南雞飯好重要嘅油飯，肉眼睇顏色較白，徧淡唔香。介紹有提佢哋呢家湯比外面特別，唔係一般蘿蔔清湯，而係药材雞湯。可惜我俾好幾張單爬咗頭，佢哋又唔跟單留定我3碗湯俾我⋯⋯好不幸地
未夠5點鐘竟然人山人海，顧客不斷。我等咗起碼5分鐘先可以落單，原因係之前啲單好多又未出哂⋯⋯心諗一定好好食先咁誇張啦。不過呢度座位唔太舒適，椅子係斜嘅。。。堂食唔理想！
我買咗3個海南雞髀飯外賣，等咗足足30分鐘，仲要俾幾個後面嘅人爬頭，唔明點解要俾堂食快啲。之後聽到員工傾談知道漏咗我3碗脾飯。Well, 又抵又好食嘅話I don’t care。出嚟食好西要等係好正常嘅。
返到屋企同家人一齊開飯，我呆咗⋯⋯
海南雞髀飯
$40
22 瀏覽
0 讚好
0 留言
佢哋海南雞飯$35/碗，要脾加$5。我3碗脾飯全部得一節仔下脾，搭兩塊等如節下脾仔大嘅雞胸？我即時嬲咗，我唔明我隻上脾去咗邊？我鍾意食雞胸嘅話，我為乜加錢要脾？點解我3碗脾飯會有雞胸？上脾要點樣先食到？係唔係留哂俾熟客仔？
好，我講返味道同質素：脾肉正常一般滑，雞胸肉唔算嚡口，雞唔會太肥但冇乜肉味，醬汁反而幾好味。海南雞飯好重要嘅油飯，肉眼睇顏色較白，徧淡唔香。
介紹有提佢哋呢家湯比外面特別，唔係一般蘿蔔清湯，而係药材雞湯。可惜我俾好幾張單爬咗頭，佢哋又唔跟單留定我3碗湯俾我⋯⋯好不幸地我嗰幾碗係新一煲湯，仲要俾我聽到斬雞師傅同個後生員工講其實要再煲耐啲先得⋯⋯佢當然照包俾我，而結果梗係淡而無味。
真心講本來咁嘅價錢食碗海南雞飯好似唔算貴，但係我被騙又被逼食雞胸好唔高興，我未試過加錢食脾會變成咁，唔會再食。
張貼
