影片
更多
2009-11-15
11 瀏覽
上星期去啤酒節時，Fat Angelos居然係隧道派buy1get1free coupon，我本來諗住leaflet，直行直過，後來回頭＂蠟＂到係coupon，就折返去攞（佢仲俾左兩張我！）呵呵！意外收獲，加上一直想食，就趁今個月同沙漠王子去食返兩次先（貪小便宜的師奶仔）星期六上完堂已經差唔多三點，無乜食客，差唔多包場咁滯麵飽籃：好高的一個basket，有三款飽，一種係麵包棒，一種係類似pizza之類，一種係普通豬仔包，可以點牛油或者vingear，我個人鍾意butter多Ｄ～Ｄ飽雖然無乜特色，但勝在夠熱夠脆，即使過左食飯時間都毫不馬虎，唔會俾Ｄ凍飽我地，加分！沙律：雜菜沙律，沙漠王子反而喜歡，我就一般啦，不過送的沙律都很大份！而且係用醋汁的，很開胃！三文魚闊麵($188/ Family size)：買一送一一定要有一款family size，好在我們夠餓，就要左大size的pasta，不過睇落唔係真係咁大份，食下食下先發現真係幾多我本來以為係alfredo sauce，點知唔係好濃cheese/cream味，反而更忠於pasta本身的味道，對於愛汁如命的我來說自然係有Ｄ小失望，但係沙
星期六上完堂已經差唔多三點，無乜食客，差唔多包場咁滯
麵飽籃：好高的一個basket，有三款飽，一種係麵包棒，一種係類似pizza之類，一種係普通豬仔包，可以點牛油或者vingear，我個人鍾意butter多Ｄ～Ｄ飽雖然無乜特色，但勝在夠熱夠脆，即使過左食飯時間都毫不馬虎，唔會俾Ｄ凍飽我地，加分！
沙律：雜菜沙律，沙漠王子反而喜歡，我就一般啦，不過送的沙律都很大份！而且係用醋汁的，很開胃！
三文魚闊麵($188/ Family size)：買一送一一定要有一款family size，好在我們夠餓，就要左大size的pasta，不過睇落唔係真係咁大份，食下食下先發現真係幾多我本來以為係alfredo sauce，點知唔係好濃cheese/cream味，反而更忠於pasta本身的味道，對於愛汁如命的我來說自然係有Ｄ小失望，但係沙漠王子已經覺得很好吃，也自己獨自清了碟！
羊膝($148/ regular size)：係羊膝同羊架之間掙扎，最後都係要羊膝，不過真係好好味！羊肉一Ｄ都唔韌，有紅酒味之餘仍保留羊膻味，而且balance得好好，我超級鍾意！（早知呢份先叫family size）
Tiramisu($38)：呢個係我想食fat angelo's的主因，所以必叫，$38感覺上很細份，也不美觀，好似就黎＂冧＂咁，但係食左一啖，真係超正！酒香又夠，芝士味也很濃，芝士層texture很好，軟綿綿的，配合texture稍粗的酒層，口感一流！真係完全唔想分俾沙漠王子食，好彩佢都唔好啫！差不多可以獨享！yeah！
服務態度很好，不過感覺如果多幾枱人就會唔夠人手
Fat Angelo's真的很好吃，如果全部要regular size，價錢比露比便宜，也比後者好吃，即使沒有coupon，我都會再黎，更顯得今次買一送一好抵食！
今次食得好滿足，期待今個月再享受多次買一送一！去啤酒節實在太對了！
張貼
