Texas Burger (已結業)

做得團購都當宣傳下，預咗會賺少咗，希望會多d人認識同幫襯啦，但係如果無咁嘅量度去接受，就不如唔好做團購喇！ 團購券寫明可以外賣自取，星期日1:30-6:30使用，但係女侍應態度極差，一句話團購只有堂食而且只至到5:30。指俾佢睇張券上面寫明話可以喎，仲話公司規定唔係咁，唔會跟券上面做，之後嗰兩個女侍應擰轉面細細聲講完之後就話，今次俾你用啦，下次唔可以啦。嘩！皇恩浩盪呀！知唔知咩係商品説明條例呀？ 話15分鐘有得拎，過晒時兼眼見遲過我落單嘅都走晒，問佢話整緊，點知轉頭就拎出黎，睇返俾錢張單係6:08，入單時間係6:22，入張單駛唔駛用14分鐘呀！ 服務態度差到咁，真係唔開post都唔得！