小方糖甜品 (廣華街)

營業中

休息中

今日同屋企人一齊去食甜品，原本係一件開心嘅事情，結果比一個態度好惡劣嘅女侍應生破壞咗心情，我哋一入到門口一男一女嘅侍應生坐喺最入面又唔出嚟招呼客人我以為自己搵位啦，點知我哋一坐低佢就起身趕我哋，話要坐另外一張枱先得，咁都算啦，後尾嗌嘢食嘅時候態度仲變本加厲極之惡劣，我仲以為去咗10年前嘅澳x牛x公司嗰種眼神同埋語氣而家諗起都心有餘悸！其實當時好想起身走人，但係又唔想掃其他人嘅興，於是食埋甜品就急急腳走人，估唔到今時今日都仲有咁樣嘅服務態度，真係令人失望！其實甜品食物認真麻麻哋，環境污糟再加上態度如此惡劣嘅侍應生我係絕對唔會再幫襯㗎喇，冇理由幫襯佢都仲要受氣啊