大家姐 (已結業)

今日响荃灣大家姐度買外賣串燒五串$50, 六串$60其實五串同六串價錢都係冇分別。個阿姐嘗試咗五六次叫我買六串因為平啲! 我話真係食唔哂五串已經好多! (同埋我係唔係似唔識計數) 佢聽到我唔肯買六串就話買唔夠六串就無外賣盒俾! 跟住就用一個紙兜再加個膠袋(拎住嚟行好明顯會翻側啲汁會到到周圍都係) 裝俾我! 之前我試過買四串都係用外賣嘅有蓋盒裝! 老實講如果佢唔係咁樣用外賣盒嚟迫我買多一串我都唔會同佢頂得咁行! 呢間嘢確係幾好食但係啲態度令到我認真考慮下次會唔會再幫襯!