影片
更多
2015-10-24
1544 瀏覽
第一次食招牌辣醬板麵, 麵質好, 但調味唔夠, 要狂落自家製嘅乾辣椒醬先食得完,第二次食椰漿飯Nasi Lemak, 飯較乾亦唔夠椰漿味, 配料不足,今次係第三次幫趁...試埋招牌肉骨茶, 再受呢個雞沙爹嘅打激之下...決定唯有寫呢篇負評。肉骨茶有兩種選擇, 經服務員講解話一種用肥些少同腍啲, 另一種冇咁肥。我揀咗前者。服務員先放低豉油同兩小片油炸鬼，我看在眼裏已覺心煩。油炸鬼嘅作用係用嚟浸湯食, 係新加坡食係剪成小段, 咁先吸收到啲湯架, 亦可以加錢另加油炸鬼。呢度剪到咁細片, 仲要得兩片, 其實佢哋明唔明自己做緊乜嘢?招牌肉骨茶到, 我先閒一閒, 有啲胡椒味, 但唔強, 亦唔覺香,試飲一啖只覺似胡椒水, 味道好淡好單一。有約3-4件豬骨, 砍得異常岩巉, 食落好鞋一D都唔鬆化, 點咗豉油都無補於事。呢個肉骨茶真係湯又唔掂肉又唔掂。個蒜頭就唔錯, 好腍, 有蒜香甜味, 唯有用佢嚟伴米粉食。沙爹雞串係另加嘅小食, 好似係$38, 3小條, 一望已心諗使唔使俾咁少沙爹醬呀?!調味唔錯燒得OK....但個沙爹醬竟然係凍嘅!唔係室温, 亦唔係唔夠熱, 而且好似剛係雪櫃攞出嚟嘅冰凍!!!災難性
第二次食椰漿飯Nasi Lemak, 飯較乾亦唔夠椰漿味, 配料不足,
今次係第三次幫趁...試埋招牌肉骨茶, 再受呢個雞沙爹嘅打激之下...決定唯有寫呢篇負評。
肉骨茶有兩種選擇, 經服務員講解話一種用肥些少同腍啲, 另一種冇咁肥。
我揀咗前者。
服務員先放低豉油同兩小片油炸鬼，我看在眼裏已覺心煩。
油炸鬼嘅作用係用嚟浸湯食, 係新加坡食係剪成小段, 咁先吸收到啲湯架, 亦可以加錢另加油炸鬼。
呢度剪到咁細片, 仲要得兩片, 其實佢哋明唔明自己做緊乜嘢?
油條兩小片
25 瀏覽
0 讚好
0 留言
試飲一啖只覺似胡椒水, 味道好淡好單一。
有約3-4件豬骨, 砍得異常岩巉, 食落好鞋一D都唔鬆化, 點咗豉油都無補於事。
呢個肉骨茶真係湯又唔掂肉又唔掂。
個蒜頭就唔錯, 好腍, 有蒜香甜味, 唯有用佢嚟伴米粉食。
古月招牌肉骨茶
$78
99 瀏覽
0 讚好
0 留言
20 瀏覽
0 讚好
0 留言
調味唔錯燒得OK....但個沙爹醬竟然係凍嘅!
唔係室温, 亦唔係唔夠熱, 而且好似剛係雪櫃攞出嚟嘅冰凍!!!
災難性, 無可挽回嘅錯誤。
沙爹雞串
$38
14 瀏覽
0 讚好
0 留言
眼見不斷有食客到達, 約7:30差不多滿坐, 人人食到津津有味咁。
唔通現今社會, 真係有個又靚又新潮嘅室內設計, 墻上有明星簽名提字就會等於好食?!
後記:
因為只食到7成飽, 而嗰晚要準確開夜,
所以最後途經梅花邨買咗個滷水鵝片加大腸返公司, 正!
張貼
