S2 Kitchen (已搬遷) 新店位置

每個鐘意食海膽嘅人都應該知中環呢間以海膽杯聞名嘅餐廳，而我終於同個海膽迷朋友夾到時間嚟試吓喇［十層海膽杯，$398］呢個海膽杯用上嘅北海道紫海膽，食落鮮味中帶清甜，同杯入面嘅其他食材，例如三文魚籽、松葉蟹肉、拖羅蓉等，都好夾，互相唔會搶咗大家嘅味道［青蘋果蟹籽沙律，$88］睇住師傅將青蘋果轉住咁批成好長好長嘅薄片，再切成絲，條條都一樣粗幼，真係不得不讚嘆師傅嘅好刀功。微酸嘅青蘋果同蟹籽同沙律醬真係絕配，又清爽又開胃［S2特色海膽火焰卷，$148］壽司卷上鋪滿咗海膽、帶子、蟹籽，而放火㷫過後，香味更突出［清酒鮑魚雞翼，$78］雞翼燒得好香口，而入面釀嘅係原隻清酒煮鮑魚，煮得好香好多汁，驚喜之作［海膽燒岩蠔，$98/隻］半生熟蠔肉十分鮮味海膽好大片呀，好鮮甜［雲海板上飄，$318］呢個咁抽象嘅名，真係唔睇menu個圖都唔知係咩。原來佢係拌咗秋葵蓉嘅竘蒻麵，上面再鋪一層海膽同黑松露。顏值係高，但我就覺得黑松露味道蓋過咗海膽，有啲浪費［海膽雪糕，$68］不得不佩服呢個創作。雪糕用上北海道牛乳同海膽做成，幼滑而味道唔算突兀，值得一試其實我哋入到嚟先知原來餐廳好細間，而我哋被安排坐喺吧檯嘅最尾，同