Lassana Coffee (邦暉大樓) (已改名) 查看

同朋友想搵間cafe慢活一吓，就搵到呢度，雖然大熱天時拖住浩浩，我又有D路痴，但嚟到真係無後悔。環境好舒服，如果唔係天氣太熱，坐出面真係會好有外國feel。🌹玫瑰藍蝶花梳打記得要撈勻飲，如果唔係會無味㗎。撈勻後好香玫瑰味，溝梳打水唔太甜，而且顏色好靚，鍾意佢唔太甜又打卡一流。🍊橙柚百爵茶百爵茶味好出，但又唔會搶咗橙柚味，成件事好夾，夏天好消暑。🍳All Day Breakfast一上枱就勁開心，因為好豐富，有齊bacon、croissant、沙律菜、腸、炒蛋、炒雜菇、煙三文魚同茄汁豆。Bacon 好香仲唔會好咸，會想係咁食。菇都炒得好香，小朋友都啱食。牛角包外脆內軟，好好食呀！🍝照燒醬原條鰻魚意粉意粉配菇同洋蔥一齊炒，掛滿汁好香，硬度適中，仲甜甜地好惹味。原條鰻魚視覺好震撼，仲好好食甜咸度都啱啱好。🧇自家製焦香蕉窩夫山配巧克力冰淇淋Waffle上枱時仲暖暖地，好香蛋味外面好香口裡面好鬆軟。雪糕有朱古力碎而且好重朱古力味，配埋暖暖地嘅窩夫一齊食好味👍🏼焦糖香蕉俾浩浩食晒，焦糖整得好脆好脆，唔錯👍🏼