下站帖 (已結業)

嗰日喺尖沙咀同friend行街, 行街就自然口痕, 既然成條加連威老道唔係買就係食, 咁梗係要食啲未食過嘅舖頭啦。今次揀左下站帖，係因為呢間新開嘅舖頭只係開左 兩個月左右， 對於我嚟講未飲過嘅都算係新鋪頭， 所以今次就試下佢喇。 下站帖波霸厚醇奶佢哋啲茶葉係由台灣直送過嚟， 滿滿都係茶香甘醇。我嚟到嘅時候啲珍珠都仲煮緊， 擺到明就係新鮮。 比起另外兩間台灣過江龍，珍xx同x虎x, 我覺得依度啲珍珠仲好味過佢哋, 珍珠以古法慢火餚 煮 ，珍珠大小適中, q彈又有咬口 ， 配埋冰凍嘅meiji牛奶 ， 係呢個冬天飲 ， 冰涼得黎，啲黑糖又令到我覺得好補身，最重要係最上高果層其實仲有層cream, 呢啲就係叫冰火交融，爽啊 。日出蜜香紅奶蓋另外仲叫咗杯日出蜜香紅奶蓋， 奶蓋成隻手指咁厚 ，非常抵飲，奶蓋加上鹹鹹香香的芝士，茶味甘醇，仲有淡淡花果甜香tim, 一鹹一甜， 飲落清新