慢煮屋 (已搬遷) 新店位置

今次慕名而來，就係為咗試呢個慢煮牛。之前朋友嚟過，大家嘅食評都好兩極，今次終於有機會自己體驗。冬天時間嚟到，有期間限定嘅羊。不過自己本身好鍾意食牛，所以黎之前已經揀好咗一定係食慢煮牛。喺開舖嘅時候嚟到，所以即刻有位。店舖唔太大，但係簡潔整理，而員工都好友善。點餐後野食好快就黎到，唔洗等好耐。味道唔錯，份量都夠。但有少少失望，因為一邊啲牛就煮得好似太熟，另一邊就剛好。另外如果係用日本米，或珍珠米，相信效果會更好！