享慢煮意 (形點 I) (已結業)

享慢煮意，聽個名就覺得係以慢煮為主打既餐廳😌滿滿的法式風情，溫暖的黃色傢俬和綠色植物令人恍似身在法國小花園Dinner Set $268頭盤可選餐湯或牛角包，好少餐廳有主打牛角包，咁當然要一試😙招牌龍蝦湯牛角包一切開d龍蝦湯就涌曬出黎，可能應該直接食而唔係切開😂龍蝦湯既鮮味同牛角包濃香既牛油味好夾，必食主菜加$68叫左至尊酥皮海鮮火山煲，入面有大量海鮮，蝦、帶子、蜆、青口等等，可以選擇冬陰功龍蝦汁、西班牙番茄汁或忌廉汁。我地揀既冬陰功龍蝦汁帶有少少微辣，味道唔算好濃郁，所以仲可以食到海鮮本身既味道🤔另外仲單點了慢煮雞胸牛油果意粉$158，慢煮雞胸果然唔會柴，而忌廉汁加埋牛油果之後帶有少少清新，好食👍最後套餐既甜品揀左真空慢煮芝士蛋糕，個質地超級棉，好似食緊yogurt咁！