九龍維景酒店餅店 (已結業)

今日除咗係一年一度嘅聖誕節之外，仲係Uncle嘅生日，所以我們約咗中午喺九龍維景酒店嘅「唐宮中菜廳」飲中午茶！但喺飲茶前，我們靜靜去咗樓下嘅「餅店」買咗個聖誕生日蛋糕諗著畀個驚Uncle！喺差唔多飲完茶嘅時候，我們攞咗個蛋糕出嚟，Uncle見到之後超級開心！蛋糕嘅擺設賣相當精緻吸引，有一個趣緻可愛嘅聖誕老人同聖誕樹等等等等⋯⋯蛋糕嘅外層有香脆嘅杏片同香滑嘅忌廉，入面係香甜嘅栗子蓉同非常香滑鬆軟嘅蛋糕，味道唔會太甜，真係幾好味！