波仔

營業中

休息中

香港人生活忙碌，每樣野都快靚正，最理想係唔洗每日諗食咩，所以懶得煮飯嘅話，一定係食波仔，每次去我都起碼會囤幾盒放喺雪櫃，微波爐叮下就食得。最近佢哋出咗新系列，地道茶餐廳風味- 花生醬西多士，叮完之後未攞出黎已經香噴噴，外脆內軟，夾心係濃厚嘅花生醬，再淋上糖漿，超級邪惡😈點心系列 水晶蝦餃蝦餃有六大粒，每一粒外皮都好似水晶咁晶瑩剔透，好Q彈。餡料都好足，好大粒蝦，建議大家可以隔水蒸，真係同酒樓食差唔多。另外仲買咗幾盒叮叮飯必買嘅咖喱牛腩飯，咖喱汁真係好香濃，聞得出又好香嘅椰奶，牛腩整得好腍，薯仔又好好食，配白飯好開胃。豉汁涼瓜排骨飯經典茶餐廳菜式，涼瓜食落去冇苦澀味，排骨煮得好腍，完全冇雪藏味，份量都幾多👍🏻日式咖喱豬扒飯日式咖喱甜甜地，唔會好辣，加入薯仔同紅蘿蔔，送飯一流。豬扒雖然有炸過，但叮完之後已經腍咗，不過唔影響味道，肉質鬆軟好厚身，份量十足。