串燒屋

營業中

休息中

嗰日去觀塘行上嘅教堂參加完教友婚禮之後，發現咗呢間隱世放題串燒店。仲要係我最鍾意嗰隻懶人串燒方式，呢日放工，一於約埋同事嚟！呢度既食物有分自助串燒、網燒、炸物同前菜！前菜、飲品同部份甜品，如啫喱、泡芙，可以喺雪櫃度自己的拎，其他食物用QR code落單，食物選擇都算多。因為唔想等，一開始我哋叫咗炸嘢食先🤣呢道炸嘢食非常好食，我覺得炸鵪鶉蛋最特別，外層酥脆，內裡則是鵪鶉蛋的鮮嫩口感。另外炸台灣香芋地瓜丸係我最愛。炸台灣香芋地瓜丸的外皮金黃酥脆，內部則是柔軟的地瓜香芋餡料，煙煙韌韌，好好味。炸物重提供咗茄汁同酸辣醬俾我哋選擇，好貼心。網燒，我就鍾意蒜蓉青口同茄子。青口貝肉質鮮嫩，帶有海洋的甜味，網燒使得貝殼內的肉質更加彈牙，加埋蒜蓉食，鮮味更突出。茄子燒得軟嫩，加埋蒜蓉食，非常惹味！介紹我最鍾意嘅懶人串燒，望住個串燒爐自己響度自轉，唔使自己郁手，真係正！串燒方便我最鍾意燒美國穀飼牛西冷同豬頸肉。牛肉外層酥脆，內部保持嫩滑多汁。每一口咬下去，你可以品嚐到牛肉的濃郁肉味和獨特的燒烤風味。泰式豬頸肉串燒，豬肉外層經過烤燒而呈現微焦的外皮，內部則保持了豬肉的爽口，非常美味！最後食埋雪糕，為呢一餐畫