波士冰室 (已結業)

今日放假，特意跟家人去食早餐，較早前睇過報紙，見佢介紹波士冰室，懷舊感覺有另一番風味，故此都知一定要試，去到門口約10點左右，今日是閒日都見有十個客正在排隊，入到去都不忘影幾張懷舊相，好明顯見到老闆好比心機去營造一個懷舊效果,講返食方面，價錢上早餐有5個，平均都是$35，36元，我叫左個沙嗲牛肉麵配多士炒蛋，我老豆叫咗個帶子火腿通通粉，食物都好快到，可能因為人手問題，細細一間店，有約5個服務員，食物好快到份量都好大，並且味道唔錯，奶茶及咖啡，都好足料，值得再來多次，唯一美中不足嘅就係沒有自動提供水，要客人叫才有。