十六座車仔麵 (已結業)

出去旺角梗係搵啲地道嘅嘢食，行過路過，見到一間幾特別嘅車仔麵舖頭。見到招牌有藥膳酸辣湯底，好想知道藥膳加酸辣嘅味道係點樣。入面嘅裝飾同擺設都比較貼地，加上有本地嘅回憶😊我就試咗呢個藥膳酸辣湯，面累揀咗芫荽麵，配料揀咗牛脷，豬紅同埋韭菜餃。😎入到去坐低嗌埋嘢都只不過係10分鐘之內已經可以上枱。湯底一聞好有藥膳味🥰，飲啖湯先，發現問起上嚟藥膳味原來飲起上嚟真係酸辣味道出咗嚟，感覺好得意，味蕾層次好分明。我揀咗BB辣，對於我嚟講其實都好足夠等於三哥5-10小辣😝。呢度嘅牛舌果然係爽口又好味，呢樣我估唔到。豬紅都好入味，韭菜餃估唔到細細粒但係好紮實，餡料都好足。👍👍呢間有好多特別嘅配料，不是一般嘅車仔麵😍。