拉麵來 (已結業)

🌼拉麵來🌼係充滿着懷舊感嘅一間拉麵店，裏面嘅擺設都係來自日本70-80年代經典嘅廣告，玩具等，拉麵店嘅空間唔大，佢哋只有兩條傳統嘅長枱，每一個位置都擺放着唔同嘅配料，生蒜，高菜，芝麻同埋昆布豉油等🍜(土)熊本黑蒜油豬骨湯麵$92: 黑蒜油豬骨湯麵，通常好多拉麵店都會有，自己都比較鍾意食黑蒜油，因為覺得佢個湯底又香又濃，呢度嘅(土)我覺得黑蒜油唔算重，佢嘅豬骨味係香濃，但主角比較遜色，另外加咗啲炸蒜，令到個湯底變得特別，佢哋既自家製叉燒就唔錯，肥瘦均勻，口感幾爽😋😋🐮牛舌牛尾湯拉麵$102: 期間限定既牛尾湯採用牛脊骨反牛尾餚製6小時，湯底好似有層油油包住，突出湯底新鮮貨真價實，配上黑椒、香蔥同香苟，再加上安格斯牛舌，冇得彈🤤🤤🥟自家製餃子$40: 餃子都係必食嘅小食之一，但佢同出邊嘅餃子味道差唔多，唔太特別，但佢皮夠薄，煎得香口