華南冰室 (已結業)

我平日係附近番工，久不久就會係華南冰室食午飯。而家四周圍都加價。華南係少數＄20以下可以食得飽的餐聽。唔使多講，成間舖都係坐滿咗五六十歳嘅阿伯。平日就講吓馬經，講吓新聞咁。都好鬼熱鬧。間舖嗰老闆同太子爺通常會坐樓面，好一間典型舊式荼餐聽，即係18樓c座嗰種。講番啲食物，通常啲人都會叫茶餐。煎蛋，沙爹牛肉麵都係一般貨式。如果正厨唔係度，水準可能會啲少變化（會較油）。不過杯奶茶就幾唔錯，絕對係高水準。有日放咗工，五六點鐘，想坐低飲杯茶。又走咗入華南，諗住應該冇乜人。點知成間舖都係阿叔阿伯。坐低飲杯茶，食嗰撻，就知道乜嘢係舊區文化。