貴族蛋糕

營業中

休息中

今個星期日係舅父生日，想買個生日蛋糕同佢慶祝，平時食開嘅餅店太大路，好多都已經食過晒，聽人講太子有間貴族蛋糕，佢啲蛋糕幾特別，似我哋以前細個食嘅餅店，收工就去訂個生日蛋糕試吓先。鋪頭除咗蛋糕之外，仲有好多手工曲奇，又有糯米糍，芒果布甸同埋啲木糠布甸，睇個樣野想食，所以我三樣都買晒返屋企食，你知我呢個甜品怪，無甜不歡。雖然我成日食甜品，但係真心覺得佢哋嘅布甸好正，布甸入邊超多芒果茸，布甸本身味道仲好唔錯！當然，梗係要讚一讚舅父個生日蛋糕啦，呢個造型蛋糕好可愛，唔止個樣睇得，味道仲一流。蛋糕本身有夠鬆軟，忌廉有夠滑！我見到鋪頭都有好多人定壽桃型嘅蛋糕，下次阿爸阿媽生日可以定一個俾佢地慶祝！