叁去壹點心粉麵飯 (已結業)

西環超懷舊點心鋪～《叁去壹點心粉麵飯》就咁睇個門面都知有成幾十年歷史🥸 點心嘅款式雖然唔多，但應該有嘅都有晒，蝦餃燒賣雞球大包都有😍 而且全部點心都係一律$18！ 最值得一讚係個燒賣，食得出係佢家製，瘦肉比例較多，咬落去好實在唔會有種油膩嘅感覺😋 其他點心都好正常唯一覺得冇咁好就係個腸粉皮太厚，口感唔夠爽滑。雖然佢冇平時嘅酒樓坐得咁舒服，但佢應該係sell懷舊同埋人情味❤️ 見果到嘅師傅同食客都好熟絡，有講有笑🤣食嘅時候不斷見到旁邊好多食客都會叫佢個時菜xx麵（可以配唔同款嘅肉），因為個麵係兩面黃，兩面都炸到金黃香脆，喺隔離都聞到勁香好想食！最後第兩次去終於叫左呢個脆面，好好食！勁香脆，每條麵都好鬆化😍 正！！